Buerie båeteme!
Trondheim kunstmuseum (TKM) vuesiehtimmieh vuesehte dovne mijjen stoerre våarhkoste nöörjen jïh gaskenasjonaale tjeahposte jïh ektietïjjen tjeahpoevuesiehtimmijste.
Museuemasse daah maehtieh namhtah tjaangedh:
- Gaajhkesh vuelelen 18 jaepien båeries.
- Studeenth guvvietjeahpoen, tjeahpoehistovrijen, tjeahpoelaejhtemen jïh arkitektuvren sisnjeli.
- Lïhtsegh guvvietjeahpoe- tjeahpoevætnoeorganisasjovnine (NBK; TBK; NK jnv).
- Lïhtsegh siebrine MAF; Norges Museumsforbund, Norsk Kuratorforening jïh ICOM.
Mijjen leah göökte vuesiehtimmiesijjieh: Museumen åejviegåetie Nidarosen dåa jïh TKM Gråmølna. Museumen åejviegåetie Nidarosen dåa lea museumen åejviesijjie jïh lea Nidarosdomen lïhke. TKM Gråmølna lea Trenerys gaatosne Nedre Elvehavnen lïhke, jïh desnie vierhkieh gaavnh goh Kunstgaven Håkon Bleken jïh jeatjah vuesiehtimmieh.
Gåabpegen vuesiehtimmiesijjesne mijjen tjaebpies museumebovrh gaavnh.
Vuesiehtimmieh
Mijjen tjiehpies bievnijh aaj vuesiehtimmieh tjïrrehtieh sïeltide jïh jeatjah dåehkide:
- 1500 kr vuesiehtimmien åvteste gaahpoehtïjjen ålkolen, lissine tjaangemeleahpa fïerhten almetjen åvteste.
- 1000 kr vuesiehtimmien åvteste gaahpoehtïjjen, lissine tjaangemeleahpa fïerhten almetjen åvteste.
- 1/2
Museumen åejviegåetie Nidarosen dåa. Adresse: Bispegata 7b, Tråante. - 2/2
Trondheim kunstmuseum goevtese Gråmølna, Nedre Elvehavn. Adresse: Trenerys gate 9, Tråante.
Baahtseme jïh sjïehteladteme
Trondheim kunstmuseum gaajhkesh dovnesh buerie båeteme vaajtele hijven tjeahpoedååjresidie.
Museumen åejviegåetie Nidarosen dåa
Vuesiehtimmide jaksa viehkine lutnjesistie. Tjaangemesijjie guesside jårremestovline, rullatovrine jallh maanavåågnine lea gåetien åarjelraedtesne (Nidarosdomen vööste). Jis okse steegkeldh gaskesadth resepsjovnem. Gåetien jillieraedtie (restauranten vøøste Bifrons) maahta aaj åtnasovvedh. Skarremetsåahka mijjen barkijh gohtjede mah aavojne sijhtieh vuesiehtidh guktie lutnjese 1930-låhkoste åtnasåvva.
- Vuesiehtimmieteeksth paehpierisnie gååvnesieh.
- Aelhkie stovlh gååvnesieh gosse dan bïjre gihtjh jïh daerpiesvoeten mietie.
- Maahta privaate vuesiehtimmieh åvtelhbodti dongkedh
- HC-onnegåetie voestes etasjesne gååvnese
Gaskesadth bievnemegoevtesem jis nuepie gååvnese sjïehteladteme vuesiehtimmiem åadtjodh.
Bïjleparkeereme: Museumen åejviegåetie Nidarosen dåa lea Midtbyesne lïhkemes gaatoeparkeereme Bispegata jallh Munkegata. Lïhkemes parkeeremegåetie lea Torget P-hus mij lea ektiedimmesne åesiestimmiejarngese Trondheim Torg, man sïjse vuaja Tinghusplasseste.
Bussefeelijh: lïhkemes tjöödtjestimmiesijjie lea Nidarosdomen. Bussetïjjh: vuartesjh AtB:en gåetiesæjroeh
TKM Gråmølna
Vuesiehtimmieh goevtesisnie Nedre Elvehavnesne leah aelhkie jaksoes.
- Lutnjese tseegkesovveme gåetien båarasommes bielesne mij guesside meatan vaalta vuesiehtimmide mah leah vïedteldihkie Kunstgaven Håkon Bleken 2. etasjesne.
- Vuesiehtimmieteeksth paehpierisnie gååvnesieh.
- Aelhkie stovlh gååvnesieh gosse dan bïjre gihtjh jïh daerpiesvoeten mietie.
- Maahta privaate vuesiehtimmieh åvtelhbodti dongkedh.
- HC-onnegåetieh voestes etasjesne gååvnese.
Gaskesadth bievnemegoevtesem jis nuepie gååvnese sjïehteladteme vuesiehtimmiem åadtjodh.
Bussefeelijh: lihkeme bussetjöödtjestimmiesijjie lea Solsiden. Bussetïjjh: vuartesjh AtB:en gåetiesæjroeh.
Dåeriedæjjakåarhte
Dåeriedæjjah dåeriedæjjakåarhtine namhtah tjaengieh Trondheim kunstmuseumasse.
Vuejneme- jïh govlemeheaptoes
Trondheim kunstmuseum ij naan sjïehteladtemem utnieh vuejneme- jïh govleheaptoes almetjidie daan biejjien.
Tjeahpoevuesiehtimmieh leah visuelle. Govlemeheaptoes almetjh sijhtieh stoerre aavoem dejstie utnedh bielelen sjïere sjïehteladteminie.
Gaskesadth bievnemegoevtesem jis nuepie gååvnese sjïehteladteme vuesiehtimmiem åadtjodh.